O poema inédito de Rosalía xa vira a luz na revista dun instituto de Noia

Dinche o corazón na man

 

A Real Academia Galega fixo público, a semana pasada, o descubrimento de poemas inéditos de Rosalía de Castro. Os textos manuscritos da nosa máis grande autora, foron editados polo secretario da Academia, Henrique Monteagudo, e pola investigadora Mª X. Lama, nunha publicación baixo o título Manuscritos poéticos inéditos de Rosalía de Castro.

A descoberta céntrase en tres poemas escritos en castelán, que formarían parte dunha derradeira obra da autora, Postrimerías, que Rosalía non chegaría a concluír porque a morte levouna antes. E un poema escrito en galego, na mesma época en que escribira Cantares Gallegos, obra da que se ven de celebrar ao longo de 2013 o seu 150 aniversario.

Este poema galego, Dinche o corazón na man,  é o responsable da polémica, pois a Academia deuno a coñecer como inédito se ben fora xa publicado en xullo de 2013 na revista do Instituto Virxe do Mar de Noia, coñecida como Casa da Gramática.

Ante esta información, o profesor Henrique Monteagudo fixo pública, na páxina web da Academia, unha NOTA ACLARATORIA SOBRE O POEMA “DINCHE O CORAZÓN NA MAN”, na que recoñece que non tiña coñecemento da publicación previa e que, polo tanto, o devandito poema non era totalmente inédito. Ademais felicita ao profesor Ramón Torrado, a quen corresponde o mérito de telo publicado por vez primeira.

PARA SABER MÁIS:

Unha opinión sobre “O poema inédito de Rosalía xa vira a luz na revista dun instituto de Noia

  1. El texto tráta sobre los nuevos poemas que se descubríron de Rosalía de Castro, y fueron publicados por su secretario Henrique Monteagudo de la academia . Se descubrienron principalmente 3 poemas en castellano y fueron escritos por Rosalia de Castro, escrito en castellano. Mi opinión es que que estos poemas deberían ser descuebrtos ya hace mucho tiempo no aora, ya que Rosalia era una gran escritora Rianxeira.

    Gústame

Comentarios pechados.