DÍA DO AMOR EN GZ

En tempos antigos, o primeiro día do mes de febreiro era moi celebrado nas terras habitadas polos pobos celtas.  Brigantia, Candlemas, Brigid’s day, son algúns dos nomes polos que é coñecida. Derivan do gaélico irlandés  Ambiwolka, que deu en Imbolc.

Despois do frío e gris inverno, a chegada da primavera, da lúa nova e das correntes mariñas asociadas á deusa celta Brigantia, era a época das purificacións co lume sagrado, que propiciaba a fertilidade e o espertar do sol. Era tamén a época dos nacementos dos cordeiros e cando as ovellas producían leite. Brighid ou Brigantia era a protectora dos rabaños.  Os ritos matrimoniais celebrábanse nestas datas e Brighid era honrada, poñendo unha candea en cada habitación ou en cada fiestra da casa.  

Se a Senhora da Luz chorar,

está o inverno a acabar.

Se a Senhora da Luz rir,

está inverno para vir

Co paso do tempo e a mestura da cultura celta co cristianismo, Brighid convertiuse en Santa Bríxida, patroa de Irlanda e a festa das candeas na Candeloria.  

Para os romanos estas datas coinciden coas Lupercales, a súa festa do lume , en honor da fertilidade.

 En Galicia era considerada a data coma un preludio da chegada da primavera e con ela o renacer da natureza. No ámbito agrario, celebrábase o Casamento dos paxariños. Para os mariñeiros tamén era o comezo da navegación despois da longa espera do período invernal no cal a maior parte das embarcacións non saían dos portos. Di un refrán que a partir da Candeloria, ningunha ave voa soa. Considerábase esta festa coma a do amor e do apareamento no reino animal. Por iso hoxe é O DÍA DO AMOR NA GALIZA.  

FONTE: Galicia Espallada

………………………………..

Agora tócache a ti celebrar a Candeloria:

Atrévete a cantar, coma os paxariños, o teu amor nunha carta.

Ou agóchate tras un sms. Xa sabes, algo así com TTXT…

Para inspirarte, olla que cousas escribía o enorme poeta portugués Fernando Pessoa sobre as cartas de amor…

Todas as cartas de amor são
Ridículas.
Não seriam cartas de amor se não fossem
Ridículas.

Também escrevi em meu tempo cartas de amor,
Como as outras, 
Ridículas.
As cartas de amor, se há amor,
Têm de ser 
Ridículas.

Mas, afinal,
Só as criaturas que nunca escreveram
Cartas de amor
É que são
Ridículas.

Quem me dera no tempo em que escrevia
Sem dar por iso
Cartas de amor
Ridículas.

A verdade é que hoje
As minhas memórias
Dessas cartas de amor
É que são
Ridículas.

(Todas as palavras esdrúxulas,
Como os sentimentos esdrúxulos,
São naturalmente
Ridículas).

Podes deixar os teus sms e as túas cartas de amor AQUÍ  ou entrar no Castelo da Lúa ou no Bico da Ría.

Advertisements

NOTICIA DA QUE PREFIRIRÍAMOS NON TER NOTICIA…

O venres, nunha clase, un de vós preguntoume por que tiñamos que facer os artigos e falabamos tanto en torno á morte de Isaac Díaz Pardo, mentres, pola contra, en torno á morte de Fraga non comentaramos nada. Non atopo mellor resposta ca esta… Unha imaxe, neste caso, vale máis que mil palabras! (Non esquezades que son profe de galego).

 

MATERIAIS E RECURSOS PARAS AS AULAS

XA TEDES COLGADOS NA VOSA PÁXINA DESTE BLOGUE PARTE DOS MATERIAIS DOS QUE NOS SERVIREMOS ESTE TRIMESTRE E QUE XA SE ATOPABAN NA AULA VIRTUAL:

1. PARA A LECTURA DE…

2. A IMPORTANCIA DA ORTOGRAFÍA

3. DO ESPLENDOR MEDIEVAL Á DECADENCIA DOS SÉCULOS ESCUROS

NÚÑEZ SINGALA: EN GALEGO, POR QUE NON?

O vindeiro luns 16 de Xaneiro visitaranos M. Núñez Singala, responsable do Servizo de Normalización Lingüística da Universidade de Santiago de Compostela. Segundo as súas propias palabras…

Nacín en Lugo en 1963 aínda que só vivín nesa cidade os meus tres primeiros anos, despois meu pai foi traballar a Vilalba e alí transcorreu a miña infancia e adolescencia. A Terra Cha é a miña primeira patria.
     Despois vin estudar a Santiago a aquí me quedei. Compostela é, pois, a miña segunda patria. Rematei filoloxía galega e traballei no Parlamento de Galicia, na Xunta e finalmente, desde hai xa bastantes anos, na Universidade de Santiago de Compostela, onde dirixo o Servizo de Normalización Lingüística.
     Teño publicadas unha obra de teatro e unha novela, ademais doutra obra miúda espallada en libros colectivos e revistas. Tamén o ensaio e os traballos de investigación sobre cuestións relacionadas coa normalización do idioma ocuparon boa parte do meu tempo. Non vivo da literatura, iso permíteme tomar con calma a miña carreira literaria… quizais con demasiada calma. (BVG)

Núñez Singala é autor da obra EN GALEGO, POR QUE NON? , que leva por subtítulo: Contra as simplificacións e os prexuízos sobre a lingua galega.

É un libro para pensar sobre o galego e sobre as nosas actitudes fronte á lingua. A través de exemplos moi concretos e doados de entender, asistiremos a un exercicio de derruba dos prexuízos e das simplificacións que seguen tendo, arredor da lingua, un eco notable na opinión pública. Un libro para entendermos que optar polo galego non é algo antigo, nin errado, nin minoritario, nin rural, nin, desde logo, algo propio de radicais ou de intelectuais desconectados da realidade social. (Ed. Xerais)

SE QUERES PODES IR BOTÁNDOLLE UNHA OLLADA AO INICIO DA OBRA…

http://static.issuu.com/webembed/viewers/style1/v1/IssuuViewer.swf?mode=embed&layout=http%3A%2F%2Fskin.issuu.com%2Fv%2Flight%2Flayout.xml&showFlipBtn=true&documentId=101104125104-fa2bfb62c5704efd923581afad1a5c17&docName=en_galego_por_que_non.singalaweb&username=socri&loadingInfoText=En%20galego%2C%20por%20que%20non%3F&et=1288876911273&er=68

.
SE QUERES TAMÉN PODES IR REFLEXIONANDO SOBRE OS PREXUÍZOS RECOLLIDOS NA OBRA A TRAVÉS DAS SEGUINTES ACTIVIDADES…

Prexuízoshttp://static.slidesharecdn.com/swf/doc_player.swf?doc=prexuzos-120111170230-phpapp02&stripped_title=prexuzos&userName=Socri

View more documents from Marlou.
PARA DERRUBARES PREXUÍZOS, PODES OLLAR ESTES VÍDEOS:
  • CONTRA O PREXUÍZO 1: O GALEGO SOA MAL!
  • CONTRA O PREXUÍZO 2: APRENDER GALEGO É UNHA PERDA DE TEMPO!
  • CONTRA O PREXUÍZO 3: FALAR GALEGO, CANDO ALGUÉN NON O ENTENDE, É DE MALA EDUCACIÓN!
  • CONTRA O PREXUÍZO 4: O GALEGO NON O DAMOS FALADO BEN!
  • CONTRA O PREXUÍZO 5: O GALEGO É UNHA LINGUA MINORITARIA!
  • CONTRA O PREXUÍZO 6: O GALEGO É UNHA LINGUA IMPOSTA!
  • CONTRA O PREXUÍZO 7: O GALEGO NON O FALA NINGUÉN!